竞彩足球:美洲国家杯C组形势浅析

过去两日,我哋已经为大家分别介绍咗美洲国家杯A组和B组嘅情况。虽然无巴西同埋阿根廷呢啲足坛宠儿,但今日隆重登场嘅C组喺阵容上也一啲都不失礼,而且本届赛事冠军随时会喺该组中诞生。

C组有几巴闭?心水清嘅波友应该记得过去3届美洲国家杯冠军得主分别系智利(2015、2016)和乌拉圭(2011),而佢哋喺本届赛事中竟然同被分喺C组。与此同时,受邀参加嘅亚洲班霸日本,加上并非弱旅嘅厄瓜多尔,要想喺C组中突围而出绝非易事。

过去两届美洲国家杯决赛周中,连续夺魁嘅智利尽显统治力,12场赛事取得8胜3平1负,以及29:9嘅攻防表现都实实在在咁反映出佢哋嘅威力。而嚟到2019年,渴望完成美洲国家杯三连霸伟业嘅智利也系精锐尽出,包括桑切斯、比达尔、米度尔和伊斯拉等功勋名将均悉数入选,司马昭之心可谓路人皆知。对于智利而言,单论阵容实力,喺C组乃至整个赛事中都属顶级。但随住一众核心已经逐渐奔三,加上如桑切斯等食糊利器喺过去一个赛季球队发挥嘅不如意,都为智利本次争取三连霸之旅添上咗一层阴影。除咗夺冠,智利喺本届赛事中取得任何成绩都系属于失败,主帅雷达(ReinaldoRueda)如今嘅压力之大,大家心照。

C组中有望同智利并驾齐驱嘅,相信非乌拉圭莫属。同智利一样,乌拉圭喺本届赛事同样倚重一批为国征战多年嘅名将,苏亚雷斯、卡瓦尼、域仙奴、托雷拉、哥甸和何塞基梅内斯等悍将组成嘅三线班底绝对算得上系冠军级班底。不过发挥稳定度向来系乌拉圭嘅最大难题,虽然老帅奥斯卡塔巴列斯(OscarTabarez)对球队知根知底,但过去两届美洲国家杯分别喺四分之一决赛甚至小组赛出局嘅惨况仍然历历在目。值得一提嘅系,乌拉圭喺近三届美洲国家杯首战战绩并不靓仔(胜平负各1场)。如果话想喺本届赛事中再创辉煌,咁乌拉圭喺小组赛首场与厄瓜多尔一役就自然不容有失。同时与智利一样,乌拉圭一众核心班底如今也系年华渐长,正所谓时不我待,只争朝夕,乌拉圭本次出征也绝对系野心勃勃。

与智利及乌拉圭相比,厄瓜多尔喺本届赛事中更多系以本土联打平墨超联效力嘅球员为班底,但要数队中最为人所熟悉嘅球星,当然要数即将在今夏离队嘅曼联球星A.巴伦西亚。呢位中后场万金油过往咁多年一直系厄瓜多尔国家队嘅支柱力量,纵使已经年届33岁,但佢嘅经验依旧可以为国家队争胜保驾护航。不过与同组嘅两强智利及乌拉圭所不同,厄瓜多尔进攻瓣数不算多,喺进攻端上更加只有安拿巴伦西亚可供信赖,一旦佢遭遇冻结,厄瓜多尔喺本届赛事嘅前景势必会不太明朗。或者,争取最佳第三名曲线晋级会系厄瓜多尔如今一个更为实际嘅目标。

作为本届美洲国家杯特邀参加球队之一,日本在本届赛事中显然更多将目光放喺练兵之上。因为睇返佢哋嘅球队名单,无国家队正赛经历嘅新军竟然高达16人。与同组另外三队更加注重当下相比,日本本次招入咗大量20岁左右嘅后生仔,全队甚至仅有川岛永嗣和冈崎慎司两位年过三十嘅老将压阵。虽然话就话初生牛犊不怕虎,但要想喺球风老练嘅智利、乌拉圭乃至厄瓜多尔身上占便宜实在非易事。但日本喺本届赛事其实并不缺乏亮点,其中超新星久保建英能否闪耀赛场就绝对值得期待。

发表回复

您的电子邮箱地址不会被公开。 必填项已用*标注